- التلاتة يشتغلونها

+ 13 عشان يفهم الكلام بس

- فيلم كوميدي خفيف و يمكن يكون افضل من الباقي ॥ ده كلامي قبل ما اشوف الفيلم

و كنت مصمم قوي الحقيقة .

- القصة : نجيبة اول الثانوية العامة (وكل المراحل التعاليمية) بتدخل الجامعة و بتضطر تخرج من الكتب للدينا و بتتصدم بـ 3 شخصيات كل واحد بيرسم عليها الحب لغرض ما و بنشوف التشتيت اللي بيحصلها ... المفروض بشكل كوميدي يعني !!!

الاول بيستغلها عشان ينجح و هو واحد روش و كوول بقي

التاني عايش دور المناضل و الشيوعية ...الخ

التالت داعية اسلامي

- تاليف (يوسف معاطي) :

لا تعليق ولا كوميديا ولا اي شئ ؟

1- هو مين الشاب اللي عنده عربية بورش اللي اهله هيدخلوا كليه اثار ؟ وليه اثار اصلا

2- الكوميديا كانت كلها ياما استظراف ياما محروقة قبل كده و من افلامك زي الجزء بتاع نضال الشافعي و الشيويعة و الكلام ده ... اتحرقت في فيلم السفارة في العمارة

3-هي اصلا فقيرة منين بقي لبست و عملت نيولوك و موتوسيكل و كل القلق ده ؟ هو في اصحاب بيعملوا لبعض كده ؟

الحقيقة المشهد الوحيد اللي ضحكني هو الفصل الاسلامي و اداء لطفي لبيب مش اكتر !!! غير كده كانت حاسس بكمية من الملل ملهاش حل .

- علي ادريس (الاخراج) : عادي خالص ... الحاجات العادية بتاعت اي فيلم و لازم الشباب الروش برقص علي اغاني محدش اصلا بيسمعها !!!

اختيار (امير المصري) عشان يلعب دور شاب 25 سنة و لسه في سنة اولي اثار مش منطقي نهائي لان الناس بتدخل جامعة تقريبا وهي 17 سنة ... اي كلية حكومية لو سقطت سنتين في سنة اولي بتترفد !!!

وبعيدا اصلا شكل ياسمين عبد العزيز ميديش خالص بنت في ثانوية و اولي جامعة ولما يبقي في دورين متناقضين كده مش هتعرف تبلع اي حاجة نهائي طول الفيلم !!!

- التمثيل ولا حرج :

- امير المصري : مبلعتكش نهائي و اداء اوفر قوي زي برضه فيلم

(رمضان مبروك...الخ)

- رجاء الجدواي – يوسف داود - صلاح عبدالله – هالة فاخر : اداء عادي جدا جدا

باستثناء مشهد ملوش اي لازمة بين هالة و صلاح ...

ملوش اي علاقة غير استظراف و السلام

- لطفي لبيب : الوحيد اللي قدر يضحكني في مشهد او اتنين ...

- محمد لطفي : دور صغير قوي و ملوش اي لازمة تعمله بعد اخر كام دور ليك !!!

الا لو بتكمل (ابقي قابلني).

- شادي خلف : اداء لذيذ لدور الداعية الاسلامي اللي بيتظاهر و بس

- نضال الشافعي : اول مرة ماضحكش من ادائك ... الدور مكنش حلو خالص

- ياسمين عبد العزيز : ميضروش تعملي افلام خفيفة و لذيذة و ميضروش تعملي دور اصغر منك بسنين لان مفيش بطلة عندها 20 سنة هدخلها فيلم حاليا... بس الفيلم حسيته استظراف ااقل حتي من الدادة دودي اللي كان لذيذ نسبيا !

- الفيلم اخرة 2/10 عشان خاطر بس لطفي لبيب و الكام افيه اللي اجتهد فيهم غير كده فيلم قليل قوي ينضم لقايمة السنة دي اللي شكلها كبيرة قوي (قايمة اللا افلام)

لطفي لبيب

"

-تقتل صاحبك يا ابو نسمة؟

- و اقتل نسمة ذات نفسها

"

"

-يرضيك ابني يروح مني؟؟

- والله احسنلك

"

سطور بسيطة جدا كما تبدو لاول وهلة و لكن السر يكمن في ابداع قائلها، لطفي لبيب، في راي انه من اكثر ممثلينا

عبقرية في الاداء و تقمص الشخصية المراد تمثيلها ، مستعدة اني اتفرج عليه كل مرة يتعرض فيها فلم يظهر هو فيه و

لو حتى لخمس دقائق

اقل او ابسط ما يمكن ان يقال فيه هو انه لذيذ

ايوة لذيذ ، تستمتع بالفرجة عليه و هو بيكشر او بيتهكم او بيوسوس لعمل شئ شرير

حرفي السين و الصاد يطلعوا منه بتصفيرة زائدة عن الطبيعي و لكنها تصفيرة محببة للقلب

حرفه الراء له من التكرار ما يميز طريقة نطقه عن بقية اقرانه من عتاولة التمثيل

متمكن من نطقه و متاكده انه على علم بطريقة ضبط مخارج الالفاظ و تحديد متى يخرج الهواء و متى يحبسه

وجهه ملئ بالتعابير و الانفعالات المتغيرة ، حواجب متنية، فم متهكم و ينم عن شخصية محببة صلعة محترمة

لا اعرف ماذا اقول و لكن لم يحصل هذا الرجل على حق تقديره الى الان

لا يسعني قول المزيد و لكني اقر انه الاكثر تميزا من فنانين اخرين اصبح طعمهم ماسخ من كثرة ظهورهم

و تكرارهم لنفس المنظر